ᐋᖅᑭᔅᓱᐃᕙᓪᓕᐊᓂᖅ ᐃᓂᒋᔭᐅᔪᒥᒃ ᐆᒧᖓ, ᓯᓚᑐᕐᓴᕐᓂᖅ
ᐋᖅᑭᒋᐊᖅᑕᐅᔪᖅ ᐃᓄᓐᓄᑦ ᐃᓕᓐᓂᐊᕐᓂᖅ ᐃᓄᓐᓄᑦ
ᐃᓄᐃᑦ ᑕᐱᕇᑦ ᑲᓇᑕᒥ | ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄ ᐃᓕᓐᓂᐊᑎᑦᑎᓂᖅ ᐃᑲᔫᑎᑦ ᑐᓂᔭᐅᔪᖅ | $1,000,000 | ᑮᓇᐅᔭᖃᖅᑎᑦᑎᔪᑦ
Region:
ᑕᐅᑐᑦᑕᐅᔪᖅ ᐃᓄᐃᑦ ᓄᓇᖓᑦ ᐃᓕᓐᓂᐊᕕᒻᒪᕆᐊᓗᐊ (INU) ᓴᖅᑭᐸᓪᓕᐊᓕᕐᒪᑦ−ᐊᒻᒪ ᑕᒪᑐᒪ ᐱᒋᐊᖅᑕᐅᓯᒪᔫᑉ ᐃᓂᒋᔭᐅᓂᐊᕐᓂᖓ ᓄᑖᑦᑎᐊᖅ ᐃᓕᓐᓂᐊᕐᕕᐅᓂᐊᖅᑐᖅ ᑐᓐᖓᕕᖃᖅᑎᑦᑎᓂᐊᖅᑐᖅ ᐃᓄᐃᑦ ᖃᐅᔨᒪᓂᕆᔭᖏᓐᓂ ᐊᒻᒪ ᐃᓕᓐᓂᐊᑎᑦᑎᔾᔪᑎᖏᓐᓂᓪᓗ.
ᐃᑲᔪᕐᓱᖅᑕᐅᓪᓗᓂ ᕇᑐ Hᐊᓪ ᑐᓐᖓᕕᖓᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᖅ (ITE) ᐱᓕᕆᐊᖑᕙᓪᓕᐊᔪᒪᔪᖅ, ᐃᓄᐃᑦ ᑕᐱᕇᑦ ᑲᓇᑕᒥ (ITK) ᐊᐅᓚᑦᑎᔪᑦ ᐋᖅᑭᓱᖅᑕᐅᓂᖓᓂ ᐃᓕᓐᓂᐊᕐᕕᒃ ᓯᓚᑐᕐᓴᕐᓂᖅ (ᓯᓚᑐᓕᖅᐸᓪᓕᐊᓂᖅ). ᐅᓇ ᐃᓕᓐᓂᐊᕐᕕᒃ ᑐᓐᖓᕕᒋᔭᐅᓂᐊᖅᑐᖅ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᖅ ᓴᓇᔭᐅᓯᒪᔪᖅ ᐃᓄᓐᓄᑦ, ᐃᓄᓐᓄᑦ, ᓴᓇᔭᐅᓯᒪᔪᖅ ᑲᒪᒋᔭᐅᖁᓪᓗᒋᑦ ᐊᑲᐅᖏᓕᐅᕈᑎᑐᖃᐃᑦ ᐱᔾᔪᑎᖃᖅᑐᑦ ᐊᑐᐃᓐᓇᐅᑎᑦᑎᓂᖅ, ᐅᖃᐅᓯᓕᕆᓂᖅ, ᐊᒻᒪ ᐃᓕᖅᑯᓯᕐᒧᓪᓗ ᐊᑦᑐᐊᓂᖃᖅᑐᑦ ᐃᓕᓐᓂᐊᖅᑕᐅᔪᒃᓴᑦ ᐃᓄᐃᑦ ᓄᓇᖏᓐᓂᑦ.
ᐅᑎᖅᑎᑦᑎᓂᖅ ᐃᓄᐃᑦ ᐃᓕᓐᓂᐊᕈᑎᖏᓐᓂ, ᐅᖃᐅᓯᖏᓐᓂᒃ, ᐊᒻᒪ ᓯᕗᓕᖅᑎᐅᓂᕐᒥᒃ
ᐃᓕᓐᓂᐊᕐᕕᒃ ᓯᓚᑐᕐᓴᕐᓂᖅ ᐊᑐᐃᓐᓇᐅᑎᑦᑎᓂᐊᖅᑐᖅ ᐃᓕᓐᓂᐊᕕᒻᒪᕆᐊᓗᒻᒥ−ᐃᓕᓐᓂᐊᕋᑦᓴᓂᒃ ᑐᓐᖓᕕᖃᖅᑐᖅ ᐃᓄᐃᑦ ᖃᐅᔨᒪᔭᖏᓐᓂ, ᐅᖃᐅᓯᖏᓐᓂ, ᐊᒻᒪ ᐃᓕᖅᑯᓯᖏᑕ ᐱᒻᒪᕆᐅᑎᑕᖏᓐᓂ. ᐃᓕᓴᐃᔨᓂᒃ ᐃᓕᓐᓂᐊᑎᑦᑎᖃᑦᑕᕈᓐᓇᓂᐊᖅᑐᖅ ᑕᒪᐃᓐᓂᒃ ᓄᓇᓕᓐᓂ ᐃᓕᓐᓂᐊᕐᕕᓂᒃ ᐊᒻᒪ ᑲᓇᑕᒥ, ᑕᐅᖅᓯᖅᑕᐅᓗᓂ ᐃᓄᐃᑦ ᐃᓕᓴᕐᓇᐅᑎᖏᓐᓂᒃ ᐊᒻᒪ ᐃᓕᓴᐃᔾᔪᓯᖏᓐᓂ.
ᑐᓐᖓᕕᖓ, ᐅᓇ ᐱᓕᕆᐊᖅ ᐃᒪᐃᑎᑦᑎᓂᐊᖅᑐᖅ:
- ᐃᓕᓐᓂᐊᑎᑦᑎᓗᓂ ᓄᑖᓂᒃ ᐃᓄᓐᓂᒃ ᐃᓕᓴᐃᔨᒃᓴᓂ ᐊᑐᕐᓗᑎᑦ ᐃᓄᒃᑐᑦ ᐅᖃᐅᓯᖓᓂ, ᐃᓄᐃᑦ ᐱᒻᒪᕆᖏᓐᓂ, ᐊᒻᒪ ᓄᓇᓕᓐᓃᖔᖅᑐᓂᒃ.
- ᐅᖃᐅᓰ ᐆᒻᒪᖅᑎᑕᐅᒃᑲᓐᓂᕐᓂᖓ ᓯᕗᓪᓕᐅᑎᑕᐅᓗᓂ ᐃᓄᒃᑐᑦ ᐃᓕᓐᓂᐊᕈᑎᒃᓴᓕᒫᖏᓐᓂ.
- ᐃᓕᖅᑯᓯᕐᒧᑦ ᐊᑦᑐᐊᓂᖃᖅᑐᓂᒃ ᐃᓕᓐᓂᐊᑎᑦᑎᓗᑎᑦ ᐃᓕᓴᐃᔨᒃᓴᐅᒐᔭᖅᑐᓂᒃ,ᐊᒻᒪᓗᑦᑕᐅᖅ ᐱᓕᕆᔨᒻᒪᕆᐅᒐᔭᖅᑐᓂᒃ ᒪᑯᓇᓂ ᐱᓕᕆᐊᖃᕋᔭᖅᑐᓂᒃ ᐃᓱᒪᒃᑯᑦ ᖃᓄᐃᖏᑦᑎᐊᓂᕐᒥᒃ, ᓱᕈᕐᓇᖅᑐᓂᒃ ᐊᔪᕈᓐᓃᖅᓯᒪᔪᓂᒃ ᐃᑲᔪᖅᑐᐃᓂᖅ, ᐊᒻᒪ ᓄᓇᓕᓐᓂ ᖃᓄᐃᖏᑦᑎᐊᓂᕐᒥᒃ.
- ᓴᖅᑭᔮᖅᑎᑦᑎᓗᓂ ᐊᑕᖐᔪᒥᑦ ᐊᓯᔾᔨᕈᑎᒃᓴᓂᑦ, ᑐᕌᒐᖃᖅᑐᑎᒃ 50-ᓂ 100-ᓄᑦ ᐊᒥᓲᓂᓕᓐᓂ ᐃᓄᓐᓂᑦ ᐱᔭᕇᖅᑎᑦᑎᓇᓱᓐᓂᕐᒥᒃ ᓯᕗᓪᓕᕆᔭᖓᓂ ᐊᕐᕌᒍᑦ ᖁᓖᑦ.
ᐱᔭᕇᖅᑐᑦ ᐃᓕᓐᓂᐊᑎᑦᑎᒍᓐᓇᓕᕐᓂᐊᖅᑐᑦ ᐊᒻᒪ ᓯᕗᒃᑲᖅᑕᐃᓕᕐᓗᑎᑦ, ᐃᓕᓐᓂᐊᕐᕕᐅᔪᓂᑦ, ᓯᓚᑦᑐᓴᕐᕕᓂᒃ, ᐅᕝᕙᓘᓐᓃᑦ ᓄᓇᓕᖏᓐᓂ.
ᐊᑯᓂᐅᔪᒧᑦ ᐊᑕᖐᔪᒥᒃ ᐊᓯᔾᔩᓪᓚᕆᒍᒪᓂᖅ
ᐊᑐᓕᖅᑎᑕᐅᓂᖓ ᑖᔅᓱᒪ ᐱᓕᕆᐊᒃᓴᐅᑉ ᑲᔪᓯᑎᑦᑎᔪᖅ ᐱᒻᒪᕆᐊᓗᒻᒥᒃ ᑐᕌᒐᕆᔭᐅᔪᒥᒃ ᓇᓗᓇᐃᔭᖅᑕᐅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥ ᖃᓄᐃᓕᐅᖅᐸᓪᓕᐊᔪᒪᔭᖏᓐᓂ ᐃᓕᓐᓂᐊᑎᑦᑎᓂᕐᒥᒃ ᐃᓄᓐᓂᑦ, ᓯᕗᓪᓕᖅᐹᒥᒃ ᓴᖅᑭᑎᑕᐅᓚᐅᖅᓯᒪᔪᖅ 2011−ᒥ: ᐋᖅᑭᑦᑕᐅᓯᒪᔪᖅ ᑲᔪᓰᓐᓇᕈᓐᓇᖅᑐᒥᒃ, ᐃᓄᓐᓄᑦ−ᐊᐅᓚᑕᐅᔪᖅ ᐃᓕᓐᓂᐊᕕᒻᒪᕆᐊᓗᒃ ᐱᑎᑦᑎᓪᓗᓂ ᐃᓕᓐᓂᐊᖅᑐᓕᕆᓂᕐᒧᑦ ᐱᔭᐅᔭᕆᐊᖃᖅᑐᓂᒃ ᐃᓄᓐᓄᑦ ᐃᓕᓐᓂᐊᖅᑎᓄᑦ.
ᐅᓇ ᐊᓂᒍᐃᔾᔪᑎᑐᐃᓐᓇᐅᖏᑦᑐᖅ. ᑕᒪᓐᓇ ᐱᔾᔪᑎᖃᖅᑐᖅ ᐱᑕᖃᕈᓐᓃᖅᑎᑦᑎᕙᓪᓕᐊᓂᕐᒥᒃ ᖃᓪᓗᓈᑦ ᐃᓕᓐᓂᐊᕈᑎᖏᓐᓂ−ᐊᓯᔾᔩᓗᑎᑦ ᖃᓄᖅ ᐃᓕᓐᓂᐊᕐᓂᖅ ᐊᑐᖅᑕᐅᕙᖕᒪᖔᑦ ᐃᓄᐃᑦ ᓄᓇᖏᓐᓂ ᓯᕗᓪᓕᖅᐸᐅᑎᑦᑎᓗᑎᑦ ᐃᓄᐃᑦ ᐅᖃᐅᓯᖏᓐᓂᒃ, ᖃᐅᔨᒪᓂᕆᔭᐅᔪᓂᒃ, ᑲᔪᓯᓂᖃᑦᑎᐊᖅᑐᒥᓪᓗ ᓄᓇᓕᓐᓂ−ᑲᔪᓯᑦᑎᐊᖅᓯᒪᔪᓂᒃ.
ᓱᒻᒪᑦ ᐱᒻᒪᕆᐅᕙ
ᐃᓄᐃᑦ ᓄᓇᖏᑦ, ᐱᔭᕆᐊᖃᒻᒪᕆᒻᒪᑕ ᐃᓄᓐᓂᑦ ᐃᓕᓴᐃᔨᓂᑦ ᓴᖅᑭᑎᑦᑎᔪᓐᓇᕐᑐᓂᑦ ᐅᖃᐅᓯᕐᒥᑦ, ᑭᓇᐅᓂᖏᓐᓂᑦ, ᐃᓕᓐᓂᐊᑎᑦᑎᓗᑎᓪᓗ ᐊᑕᖐᔪᒥᒃ. ᐃᓕᓐᓂᐊᕐᕕᒃ ᓯᓚᑐᕐᓴᕐᓂᖅ−ᒧᑦ ᐃᑲᔪᕐᓂᐊᖅᑐᖅ ᑕᒪᑐᒥᖓ, ᐋᖅᑭᑦᓱᐃᓕᕐᓗᓂ ᓯᕗᓂᒃᓴᒥ ᐃᓄᐃᑦ ᓱᕈᓯᓕᒫᑦᑎᐊᖏᑦ ᐃᓕᓐᓂᐊᖅᑎᑕᐅᒐᔭᕐᓗᑎᑦ ᐃᓄᒻᒧᑦ ᖃᐅᔨᒪᔭᓂᖃᑦᑎᐊᖅᑐᒥ, ᑐᑭᓯᐅᒪᓗᑎᑦ ᐃᓅᓯᖏᓐᓂ, ᐊᒻᒪ ᐃᑲᔪᕐᓂᐊᕐᓗᑎᑦ ᐃᒻᒥᓂᒃ ᐅᐱᒍᓱᓐᓂᕐᒥᑦ, ᐱᔪᓐᓇᓂᖃᑦᑎᐊᖅᑐᓄᑦ ᐃᓐᓇᕐᓄᑦ.
ᐅᓇ ᐃᑲᔫᖅᑐᐃᔾᔪᑎ ᐅᕙᑦᑎᓐᓂᒃ ᓴᖅᑮᓂᐊᖅᑐᖅ ᓴᙱᔪᒥᒃ ᐊᒻᒪ ᐃᓕᖅᑯᓯᑎᒍᑦ ᓈᒻᒪᑎᐊᖅᑐᒥᒃ ᐃᓕᓐᓂᐊᕐᓂᕐᒧᑦ ᐃᓕᓐᓂᐊᕐᕈᑎᒥᒃ ᓄᑖᓄᑦ ᐃᓕᓴᐃᔨᓄᑦ ᐃᓄᐃᑦ ᓄᓇᖓᓐᓂ, ᐃᑲᔪᕐᓂᖃᓪᓗᓂ ᓄᓇᓕᑦᑎᓐᓂᒃ ᐊᒥᓱᓄᑦ ᐊᕐᕌᒍᓄᑦ ᐊᒡᒋᖅᑐᓄᑦ.
~ ᐃᓄᐃᑦ ᑕᐱᕇ ᑲᓇᑕᒥ ᐊᖏᔪᖅᑳᖅ ᓇᑕᓐ ᐅᐱᐊᑦ
ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᖅ ᐃᑲᔫᑎᒧᑦ ᐱᓕᕆᐊᖅ ᒥᑦᓵᓄᑦ
ᕇᑐ Hᐊᓪ ᑐᓐᖓᕕᖓ ᓴᖅᑮᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᑦ ᐃᓕᓐᓂᐊᑎᑦᑎᓂᖅ ᐱᓕᕆᐊᖑᕙᓪᓕᐊᔪᒪᔪᒥᒃ ᐱᕈᖅᐹᓪᓕᖁᓪᓗᒋᑦ ᐊᒻᒪ ᐃᑲᔪᖅᑐᐃᓂᐊᕐᓗᑎᑦ ᑭᒡᒐᖅᑐᐃᓂᐊᖅᑐᓂᒃ, ᐃᓕᖅᑯᓯᖃᑦᑎᐊᖅᑐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑐᓕᕆᕕᖏᓐᓂ. ᑲᓇᑕᒥ ᒪᑐᐃᖓᑎᑦᑎᑎᓪᓗᒋᑦ ᑐᒃᓯᕋᐅᑎᓂᒃ, ᐱᓕᕆᐊᒃᓴᑦ ᓂᕈᐊᖅᑕᐅᓚᐅᖅᑐᑦ ᐱᓕᕆᖃᑎᒌᓄᑦ
ᒪᕐᕉᒃ ᑮᓇᐅᔭᖃᖅᑎᑦᑎᔫᒃ−ᐱᒋᐊᖅᑎᑦᑎᑲᓐᓂᕐᓂᖅ ᐊᒻᒪ ᐱᓯᒪᐃᓐᓇᕐᓂᖅ−ᐱᔾᔪᑎᖃᖅᑐᖅ ᐱᔭᐅᑦᑕᐅᑎᒋᔭᕆᐊᓕᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᕐᒥᒃ, ᐊᒻᒪ ᐊᖏᓪᓕᒋᐊᖅᑕᐅᓗᑎᒃ ᑲᔪᓯᑦᑎᐊᕈᓐᓇᖅᑐᑦ ᐃᓕᓐᓂᐊᕈᑎᒃᓴᐃᑦ ᐱᐅᓯᒋᐊᖅᑕᐅᓗᑎᓪᓗ ᐃᓕᓴᐃᔨᖃᐃᓐᓇᕋᓱᓐᓂᖅ ᐊᒻᒪ ᐃᑲᔫᑕᐅᔾᔪᑎᒃᓴᐃᑦ. ᐅᓇ ᐱᓕᕆᐊᖑᕙᓪᓕᐊᔪᒪᔪᖅ ᓂᕈᐊᖅᑕᐅᓚᐅᖅᑐᖅ ᐅᕙᖓᑦ ᐱᒋᐊᖅᑎᑦᑎᑲᓐᓂᕐᒨᖓᔪᖅ, ᑮᓇᐅᔭᖃᖅᑎᑦᑎᕙᑦᑐᖅ $1,000,000−ᒧᑦ ᑎᑭᓪᓗᒍ ᐊᑯᓂᐅᔪᒃᑯᑦ ᐱᓕᕆᐊᓄᑦ ᓄᑖᓂᒃ ᓴᖅᑭᑎᑦᑎᓂᕐᒧᑦ ᐊᒻᒪ ᐊᖏᓪᓕᒋᐊᕈᑎᒃᓴᓄᑦ, ᓴᓐᖓᑎᑦᑎᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᑦ ᐃᓕᓐᓂᐊᕈᑎᒃᓴᖏᓐᓄᑦ ᐊᖅᑯᑎᒥᒃ ᐊᒻᒪ ᐃᓚᓕᐅᑎᓗᒋᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᑦ, ᐅᖃᐅᓯᖏᑦ, ᐊᒻᒪ ᓯᕗᓕᖅᑎᐅᓂᕐᒥᒃ.
ᑐᑭᓯᒋᐊᒃᑲᓐᓂᕆᑦ
ᖃᐅᔨᒋᐊᕐᓗᑎᑦ ᖃᓄᖅ ᓄᓇᖃᖅᑳᖅᓯᒪᔪᑦ ᓄᓇᓖᑦ ᑲᓇᑕᓕᒫᒥ ᐃᓕᓐᓂᐊᖅᑐᓕᕆᓂᕐᒥᒃ ᐊᓯᔾᔩᕙᓪᓕᐊᒻᒪᖔᑕ.ᐅᓇ ᐊᑕᐅᓯᑐᐃᓐᓇᐅᔪᖅ ᐊᕕᒃᑐᓯᒪᔪᓂᒃ ᓄᓇᓕᓐᓄᑦ ᐊᓪᓗᕆᐊᕈᑕᐅᓯᒪᔪᖅ. ᐅᖃᓕᒫᕐᓗᑎᑦ ᐊᓯᖏᓐᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᖅ ᐃᑲᔫᑎᒧᑦ ᑐᓂᓯᔭᐅᓯᒪᔪᑦ.