ᓴᙱᓂᖅᓴᒥᒃᓯᕗᓂᒃᓴᓕᐅᕐᓂᖅ ᐊᑐᕐᓗᑎᒃ ᐃᓄᒃᑎᑐᑦ ᑎᑎᖅᑲᓕᕆᓂᕐᒥᒃ
ᓄᓇᕗᑦ ᒪᕐᕉᖕᓂᒃ ᐅᖃᐅᓰᖕᓂᒃ ᐊᑐᕐᓗᑎᒃ ᐃᓕᓐᓂᐊᖅᑎᑦᑎᓂᕐᒥᒃ ᑲᑎᒪᔩᑦ, ᐱᓕᕆᖃᑎᖃᖅᑐᑎᒃ ᐃᓐHᐊᐱᑦ ᐃᓕᓐᓂᐊᖅᑐᓕᕆᓂᖅ| ᓄᓇᖃᖅᑳᖅᓯᒪᔪᑦ ᐃᓕᓴᐃᔨᒃᓴᕈᓂᕐᒧᑦ ᐃᓕᓐᓂᐊᑎᑦᑎᓂᕐᒧᑦ ᐃᑲᔫᑎᒥᒃ ᑐᓂᓯᔭᖅ | $479,000 | ᑮᓇᐅᔭᖃᖅᑎᑕᐅᓂᖅ
Region:
“ᑎᑎᖅᑲᓕᕆᒍᓐᓇᑦᑎᐊᕐᓂᖅ ᑐᙵᕕᒋᔭᐅᒻᒪᑦ ᐃᓕᓐᓂᐊᖅᑎᐊᕐᓯᒪᓂᕐᒧᑦ”, ᐅᖃᓚᐅᖅᑐᑦ ᐃᓕᓴᐃᔩᑦ ᐱᓕᕆᐊᖃᖅᑐᑦ ᓄᑖᒥᒃ ᐱᓕᕆᐊᖑᕙᓪᓕᐊᔪᒪᔪᒥᒃ ᐊᐅᓚᑕᐅᓪᓗᓂ ᓄᓇᕗᑦ ᒪᕐᕉᖕᓂᒃ ᐅᖃᐅᓰᖕᓂᒃ ᐊᑐᕐᓗᑎᒃ ᐃᓕᓐᓂᐊᖅᑎᑦᑎᓂᕐᒥᒃ ᑲᑎᒪᔨᖏᓐᓄᑦ (NBES) ᐊᒻᒪ ᐃᓐHᐊᐱᑦ ᐃᓕᓐᓂᐊᖅᑐᓕᕆᓂᖅ (IE). ᐃᑲᔪᖅᑐᖅᑕᐅᓪᓗᑎᑦ ᕇᑐ Hᐊᓪ ᑐᓐᖓᕕᖓ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᖅ (ITE) ᐱᓕᕆᐊᖑᕙᓪᓕᐊᔪᒪᔪᑦ, ᓄᓇᕗᑦ ᒪᕐᕉᖕᓂᒃ ᐅᖃᐅᓰᖕᓂᒃ ᐊᑐᕐᓗᑎᒃ ᐃᓕᓐᓂᐊᖅᑎᑦᑎᓂᕐᒥᒃ ᑲᑎᒪᔨᖏᑦ ᐊᒻᒪ ᐃᓐHᐊᐱᑦ ᐃᓕᓐᓂᐊᖅᑐᓕᕆᓂᖅ ᓴᖅᑭᑎᑦᑎᓂᐊᕐᑐᑦ ᐃᓄᒃᑎᑐᑦ ᑎᑎᖅᑲᓕᕆᓂᕐᒥ ᑭᖑᓕᕇᑦᑕᕐᓯᒪᔪᑦ (ILS) ᐊᑐᕋᒃᓴᑦ ᑲᑎᕐᓱᕐᓯᒪᔪᑦ—ᐊᖏᔪᖅ ᐱᓕᕆᐊᒃᓴᖅ ᓴᖅᑭᑕᐅᔪᖅ ᐃᓄᐃᑦ ᐃᓕᓐᓂᐊᖅᑎᑦᑎᔨᖏᓐᓄᑦ, ᐃᓄᓐᓄᑦ ᐃᓕᓐᓂᐊᖅᑎᓄᑦ.
ᖃᓄᖅ ᐅᓇ ᐱᓕᕆᐊᖅ ᐊᔾᔨᐅᖏᓚᖅ?
ᐊᔾᔨᒋᖏᑕᖓ ᐱᖅᑯᓯᑐᖃᒃᑯᑦ ᑎᑎᖅᑲᓕᕆᓂᕐᒧᑦ ᐱᓕᕆᔾᔪᓯᖏᑕ, ᐃᓄᒃᑎᑐᑦ ᑎᑎᖅᑲᓕᕆᓂᖅ ᑭᖑᓕᕇᑦᑕᕐᓯᒪᔪᑦ ᐃᓕᓴᐃᔨᓄᑦ ᐅᖃᓕᒫᒐᖓ ᐱᑎᑦᑎᔪᖅ ᐋᖅᑭᒃᓯᒪᔪᒥᒃ, ᖃᐅᔨᔾᔪᑎᒥᓂᕐᓄᑦ−ᑐᙵᕕᓕᒃ ᐃᓕᓴᐃᔾᔪᑕᐅᓪᓗᓂ ᐃᓄᒃᑎᑐᑦ ᑕᒪᒃᑮᓐᓂᒃ ᐊᒃᑐᐊᓂᖃᑦᑎᐊᖅᑐᓂᒃ ᐃᓕᖅᑯᓯᕐᒥᒃ ᐊᒻᒪ ᑐᙵᕕᖃᑦᑎᐊᕐᑐᒥᒃ ᐃᓕᓐᓂᐊᑎᑦᑎᓂᕐᒥᒃ. ᐊᖏᓪᓕᒋᐊᕆᔪᖅ ᑐᙵᕕᖓᓂᑦ ᓂᐱᑦᓯᐊᕙᐃᑦ ᐃᓄᒃᑎᑐᑦ ᓂᐱᓂᑦ ᐅᖃᐅᓯᕐᓂᓪᓗ ᐱᓕᕆᔾᔪᓯᓂᒃ ᐊᒻᒪ ᐅᖃᐅᓯᕐᓂᒃ ᖃᐅᔨᓴᕐᓂᒃᑯᑦ ᐱᓕᕆᐊᖅ ᑖᕗᖓᒃᑲᓃᖅᑐᑎᒃ: ᐃᑲᔪᖅᑐᐃᓪᓗᓂ ᐃᓕᓐᓂᐊᖅᑎᓂᑦ ᓇᓗᓇᐃᒃᑯᑕᓕᕆᓂᕐᒥᑐᐃᓐᓇᐅᖏᑦᑐᖅ ᐊᒻᒪ ᓂᐱᓂᒃ, ᑭᓯᐊᓂ ᐋᖅᑭᔅᓱᐃᓪᓗᑎᑦ ᐅᖃᐅᓯᕐᓂᕐᒃ ᐊᒻᒪ ᑎᑎᖅᑲᓕᐅᕐᓂᕐᒥᒃ−ᓯᕗᒧᐊᖅᐸᓪᓕᐊᓪᓗᑎᑦ ᐅᖃᓕᒫᕈᓐᓇᑦᑎᐊᕐᓂᕐᒥᒃ ᓇᒻᒥᓂᖅ ᐅᖃᐅᓯᖓᑎᒍᑦ.
ᑲᑎᕐᓱᕐᓯᒪᔪᑦ ᐃᓚᖃᖅᑐᑦ:
- ᐊᑕᖐᔪᖅ ᐃᓄᒃᑎᑐᑦ ᑎᑎᖅᑲᓕᕆᓂᕐᒧᑦ ᑭᖑᓕᕇᑦᑕᕐᓯᒪᔪᓂᒃ ᐃᓕᓴᐃᔨᓄᑦ ᐅᖃᓕᒫᒐᖓ ᑐᙵᕕᖃᖅᑐᖅ ᐋᖅᑭᒃᓱᖅᑕᐅᓯᒪᔪᓂᒃ ᑎᑎᖅᑲᓕᕆᓂᕐᒧᑦ ᐊᒻᒪ ᐊᓯᔾᔨᖅᑕᐅᓯᒪᔪᑦ ᐃᓄᒃᑎᑐᑦ;
- 50 ᐅᖓᑖᓂᑦᑐᑦ ᐃᓪᓗᓯᕈᓂᒃ ᐊᕙᓗᒥᐅᑕᑦ ᑎᑎᖅᑲᑦ ᓴᖅᑭᔮᖅᑎᑦᑎᔪᑦ ᐃᓕᖅᑯᓯᕐᒥᒃ ᑕᑯᔅᓴᐅᑎᑦᑎᓪᓗᑎᑦ ᑎᑎᖅᑲᓂᒃ ᐊᒻᒪ ᐊᔾᔨᓐᖑᐊᓂᒃ;
- 40 ᐸᓗᐃᑦ ᑎᑎᕋᖅᓯᒪᔪᑦ ᓇᓗᓇᐃᒃᑯᑦᑕᕆᔭᐅᔪᓐᓇᖅᑐᑦ ᐱᒋᐊᓕᑕᐃᓐᓇᑦᑐᓄᑦ ᓯᕗᒻᒧᐊᕈᑕᐅᔪᓐᓇᕐᓂᐊᕐᓗᑎᑦ ᐊᔪᙱᓐᓂᕆᔭᖏᓐᓄᑦ.
ᐊᑐᓂ ᐊᑐᕋᒃᓴᑦ ᐋᖅᑭᒃᑕᐅᓯᒪᔪᑦ ᐃᓄᐃᑦ ᑭᓇᐅᓂᖏᓐᓂ ᐊᒻᒪ ᓄᓇᓕᓐᓅᖓᓪᓗᑎᑦ, ᐱᕕᖃᖅᑎᑦᑎᓪᓗᑎ ᓱᕈᓯᓂᒃ ᓇᒻᒥᓂᖅ ᐃᓕᓴᖅᓯᖑᓐᓇᕐᓂᕐᒥᒃ ᐅᖃᓕᒫᖅᑕᖏᓐᓂ, ᐊᒻᒪ ᓴᓐᖏᓂᑖᖅᑎᑦᑎᓪᓗᑎᑦ ᐃᓕᓴᐃᔨᓂᒃ ᐊᑑᑎᖃᑦᑎᐊᖅᑐᓂᒃ ᐊᒻᒪ ᐱᓕᕆᔾᔪᓯᑦᑎᐊᕙᓐᓂᒃ.
ᓄᓇᓕᓐᓂ ᐊᑦᑐᐃᔾᔪᑏᑦ ᑲᓇᑕᓕᒫᒥᒃ ᐊᑦᑐᐃᔾᔪᑕᐅᔪᑦ
ᐱᓕᕆᐊᖑᕙᓪᓕᐊᔪᒪᔪᑦ ᐱᐅᓯᒋᐊᖅᑎᑦᑎᔪᒪᔪᑦ ᐃᓄᒃᑎᑐᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᓄᓇᕘᓕᒫᒥ ᐋᖅᑭᔅᓯᓗᑎᑦ ᐅᐸᓗᖓᐃᔭᐃᓂᒃᑯᑦ ᐱᓕᕆᖃᑎᒌᓐᓂᐊᖅᑐᓂᒃ ᐃᑲᔫᑎᒃᓴᓂᑦ ᓴᖅᑮᖁᓪᓗᒋᑦ ᐱᔭᕇᖅᓯᒪᔪᓂᒃ. ᑐᕌᒐᕆᔭᐅᔪᖅ ᐱᑎᑦᑎᔪᒪᕗᖅ ᐃᓕᓴᐃᔨᓂᒃ ᐱᓕᕆᔾᔪᑎᒃᓴᓂᒃ ᐃᓄᒃᑎᑐᑦ ᐃᓕᓐᓂᐊᑎᑦᑎᓂᕐᒥᒃ ᐊᔪᓐᖏᑦᑎᐊᓂᒃᑯᑦ ᐊᒻᒪ ᑲᔪᓯᓂᖃᖅᑎᐊᓂᒃᑯᓪᓗ. ᐊᒻᒪ ᓱᓕ, ᐱᔭᕇᖅᓯᒪᔪᑦ ᐃᑲᔫᑎᒃᓴᑦ ᐊᑐᐃᓐᓇᕈᖅᑎᑕᐅᓂᐊᖅᑐᑦ ᖃᕆᓴᐅᔭᒃᑯᑦ ᐊᑭᖃᖏᓪᓗᑎᑦ, ᐱᕕᖃᖁᓪᓗᒋᑦ ᐃᓕᓴᐃᔩᑦ ᐊᒻᒪ ᐃᓕᓐᓂᐊᖅᑏᑦ ᓄᓇᕗᓕᒫᒥ, ᐅᖓᑖᓄᓪᓗ, ᐃᑲᔫᑎᒋᔭᐅᖁᓪᓗᒋᑦ.
ᓱᒻᒪᑦ ᐱᒻᒪᕆᐅᕙ
ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑏᑦ ᐱᕈᑦᑎᐊᖃᑦᑕᕐᒪᑕ ᐅᖃᐅᓯᖏᑦ ᐊᒻᒪ ᐃᓕᖅᑯᓯᖏᑦ ᑕᑯᔅᓴᐅᑎᓪᓗᒋᑦ ᐊᒻᒪ ᐱᒻᒪᕆᒋᔭᐅᓕᖅᑐᑎᑦ ᐃᓕᓐᓂᐊᖅᑕᖏᑦ. ᐃᓄᒃᑎᑐᑦ ᑎᑎᖅᑲᓕᕆᓂᖅ ᑭᖑᓕᕇᑦᑕᕐᓯᒪᔪᑦ ᐊᑐᕋᑦᓴᑦ ᑲᑎᕐᓱᕐᓯᒪᔪᑦ ᓇᓗᓇᐃᖅᓯᓯᒪᔪᑦ ᑭᓇᐅᓂᖏᓐᓂ ᐱᐅᔪᒻᒪᕆᒻᒥᒃ ᐊᔪᕈᓐᓃᓴᔾᔪᑎᒃᓴᓂᒃ ᑎᑎᖅᑲᓕᕆᓂᕐᒧᑦ ᐃᓕᓐᓂᐊᕈᑎᒃᓴᓂᑦ. ᐃᑲᔪᖅᑐᐃᓪᓗᓂ ᐃᓕᓴᐃᔩᑦ ᐱᕙᓪᓕᐊᒍᑎᒃᓴᖏᓐᓂ ᐊᒻᒪ ᐃᓕᖅᑯᓯᕐᒨᖓᔪᓂᒃ ᐃᓕᓐᓂᐊᑎᑦᑎᓪᓗᓂ, ᐅᓇ ᐱᓕᕆᐊᖑᕙᓪᓕᐊᔪᒪᔪᖅ ᒪᑐᐃᖅᑎᑦᑎᔪᖅ ᐃᓕᓐᓂᐊᖅᑎᓂᒃ ᑲᔪᓰᓐᓇᓂᕐᒨᖓᖏᑦᑐᒥᒃ ᐃᓕᓐᓂᐊᕐᕕᒻᒥ−ᑭᓯᐊᓂ ᐃᓕᓴᐃᒻᒥᔪᖅ ᐃᓕᓐᓂᐊᑎᑦᑎᓂᖅ ᐃᖅᑲᓇᐃᔮᕆᔭᐅᔪᓐᓇᕐᒪᑦ, ᐱᓇᓱᐊᖅᑕᐅᔪᓐᓇᕐᒪᑦᑕᐅᖅ.
ᐃᓄᒃᑎᑐᑦ ᑎᑎᖅᑲᓕᕆᓂᖅ ᑭᖑᓕᕇᑦᑕᕐᓯᒪᔪᑦ ᐋᖅᑭᓱᖅᐸᓪᓕᐊᔭᕗᑦ ᓇᓕᒧᓐᓂᖃᕐᓂᐊᖅᑐᖅ ᖃᐅᔨᓴᕈᑕᐅᕋᑖᖅᓯᒪᔪᓂᒃ ᐅᖃᐅᓯᓕᕆᓂᖅ ᐊᒻᒪ ᖃᕋᓴᐅᑉ ᐱᕈᖅᐸᓪᓕᐊᓂᖓ. ᐅᓇ ᐱᑎᑦᑎᓂᐊᖅᑐᖅ ᐱᔾᔪᑕᐅᔪᓂᒃ ᐊᒻᒪ ᐱᓕᕆᔾᔪᓯᓂᒃ ᐃᓄᓐᓄᑦ ᐃᓕᓴᐃᔨᓄᑦ ᐊᑑᑎᖃᑦᑎᐊᖅᑐᒃᑯᑦ ᐃᓕᓴᐃᔾᔪᑎᒃᓴᓂᑦ ᐅᖃᐅᓯᕐᒧᑦ, ᐊᑐᕐᓗᑎᒃ ᖃᐅᔨᔾᔪᑕᐅᓯᒪᔪᓂᒃ−ᑐᙵᕕᓕᒻᒥᒃ ᐱᓕᕆᔾᔪᓯᓂᒃ.
~ ᔭᐃᐱᑎ ᐊᕐᓇᒃᑲᖅ, ᐊᐅᓚᑦᑎᔨ ᓄᓇᕗᑦ ᒪᕐᕉᖕᓂᒃ ᐅᖃᐅᓰᖕᓂᒃ ᐊᑐᕐᓗᑎᒃ ᐃᓕᓐᓂᐊᖅᑎᑦᑎᓂᕐᒥᒃ ᑲᑎᒪᔩᑦ
ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᕐᒧᑦ ᐃᑲᔫᑎᐅᑉ ᒥᑦᓵᓄᑦ
ᕇᑐ Hᐊᓪ ᑐᓐᖓᕕᖓ ᓴᖅᑮᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᖅ ᐱᓕᕆᐊᖑᕙᓪᓕᐊᔪᒪᔪᒥᒃ ᐱᕈᖅᐹᓪᓕᖁᓪᓗᒋᑦ ᐊᒻᒪ ᐃᑲᔪᖅᑐᐃᓂᐊᕐᓗᑎᑦ ᑭᒡᒐᖅᑐᐃᔨᒥᒃ, ᐃᓕᖅᑯᓯᖃᑦᑎᐊᖅᑐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑐᓕᕆᕕᖏᓐᓂ. ᑲᓇᑕᒥ ᒪᑐᐃᖓᑎᑦᑎᑎᓪᓗᒋᑦ ᑐᒃᓯᕋᐅᑎᒥᒃ, ᐱᓕᕆᐊᒃᓴᑦ ᓂᕈᐊᖅᑕᐅᓚᐅᖅᑐᑦ ᐱᓕᕆᖃᑎᒌᓄᑦ ᕿᒥᕐᕈᔭᐅᓗᑎᑦ ᖃᐅᔨᒪᔨᑕᒻᒪᕆᓐᓄᑦ ᐊᓪᓚᓄᑦ, ᐃᓄᓐᓄᑦ, ᐊᓪᓚᖓᔪᓐᓄᓪᓗ. ᒪᕐᕉᒃ ᑮᓇᐅᔭᖃᖅᑎᑦᑎᔫᒃ−ᐱᒋᐊᖅᑎᑦᑎᑲᓐᓂᕐᓂᖅ ᐊᒻᒪ ᐱᓯᒪᐃᓐᓇᕐᓂᖅ−ᐱᔾᔪᑎᖃᖅᑐᖅ ᐱᔭᐅᑦᑕᐅᑎᒋᔭᕆᐊᓕᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᕐᒥᒃ, ᐊᒻᒪ ᐊᖏᓪᓕᒋᐊᖅᑕᐅᓗᑎᒃ ᑲᔪᓯᑦᑎᐊᕈᓐᓇᖅᑐᑦ ᐃᓕᓐᓂᐊᕈᑎᒃᓴᐃᑦ ᐱᐅᓯᒋᐊᖅᑕᐅᓗᑎᓪᓗ ᐃᓕᓴᐃᔨᖃᐃᓐᓇᕋᓱᓐᓂᖅ ᐊᒻᒪ ᐃᑲᔫᑕᐅᔾᔪᑎᒃᓴᐃᑦ. ᐅᓇ ᐱᓕᕆᐊᖑᕙᓪᓕᐊᔪᒪᔪᖅ ᓂᕈᐊᖅᑕᐅᓚᐅᖅᑐᖅ ᐅᕙᖓᑦ ᐱᒋᐊᖅᑎᑦᑎᑲᓐᓂᕐᒨᖓᔪᖅ, ᑮᓇᐅᔭᖃᖅᑎᑦᑎᕙᑦᑐᖅ $500,000−ᒧᑦ ᑎᑭᓪᓗᒍ ᐱᓕᕆᔾᔪᓯᓕᐅᕈᑎᒃᓴᓂᑦ, ᐃᓅᖃᑎᒌᓐᓂᕐᒧᑦ, ᐊᒻᒪ ᐊᕙᑎᖃᖅᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᓴᐃᔩᑦ ᐱᕈᕐᕕᒋᓂᐊᖅᑕᖏᓐᓂ.
ᑐᑭᓯᒋᐊᒃᑲᓐᓂᕆᑦ
ᖃᐅᔨᒋᐊᕐᓗᒋᑦ ᖃᓄᖅ ᓄᓇᖃᖅᑳᖅᓯᒪᔪᑦ ᓄᓇᓖᑦ ᑲᓇᑕᓕᒫᒥᒃ ᓯᕗᒧᐊᖅᐸᒻᒪᖔᑕ ᐃᓕᓐᓂᐊᕐᓂᖅ ᐊᓯᔾᔩᐸᓪᓕᐊᓂᖓ.
ᓄᓇᕗᑦ ᐃᓚᒋᔭᐅᑐᐃᓐᓇᖅᑐᖅ ᐊᒥᓱᓂᒃ ᐊᕕᒃᑐᓯᒪᔪᓂᒃ ᓄᓇᓕᓐᓂ ᖃᓄᐃᓕᐅᕐᓂᐅᔪᓂᒃ. ᐅᖃᓕᒫᒃᑲᓂᕐᓗᑎᑦ ᐊᓯᖏᓐᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᕈᒃᓴᔪᓄᑦ ᐃᓕᓐᓂᐊᑎᑦᑎᓂᕐᒧᑦ ᐃᑲᔫᑎᑦ ᑐᓂᓯᔭᐅᕙᑦᑐᑦ ᒥᑦᓵᓄᑦ.